www.judimendigazte.tk

Hemendik aurrera bertan topatuko gaituzue. Beraz, gonbidatzen zaituztegu blog berri hau bisitatzera eta gure kanpaina berria ezagutzera!!

Gutaz gehiago jakin nahi baduzu, igandero Judimendiko Sefarad plazan 19.30etan aurkituko gaituzu!!

ANIMA ZAITEZ ETA PARTE HARTU!!!

Gaztetxea lortzeko… ATERA HATZAPARRAK!!!

Euskal Herriko gazte mugimenduak eraso larria jasan du Guardia Zibilak Gaztesarearen aurka egin duen operazio berriarekin. Gaztesarea euskal herriko gazte mugimenduaren ahotsa eta bilgunea da; sistema kapitalista patriarkalaren aurka dauden euskal gazte guztien aterkia, ahotsik gabekoen bozgoragailua; mass media handi eta manipulatzaileen aurrean errealitatea herritik eta gazte ikuspegiaz lau haizeetara zabaltzen duen komunikazio proiektua da Gaztesarea. Gure herrian aldaketa sozialerako beharrezkoa den tresna, eztabaidagune eta borroka ezberdinen topaleku da Gaztesarea.

Horregatik eta ez beste ezergatik jo dute oraingoan Gaztesarearen kontra. Guardia Zibilak erabili dituen arrazoiak aitzakiak baino ez dira. Gazte mugimenduaren proiektua izaki, estatuen eta boterearen jo puntuan dago Gaztesarea, estatuen zapalkuntza eta kapitalismoa kolokan jartzen baititu, eta honenbestean errepresioa eta indarkeria beste biderik ez zaie geratzen ur jarioa gelditzeko.

Hala ere, honek ez du etenik izango, Gaztesarea ez baita paper puska bat edo interneteko web orri hutsa. Urteetako lanaren ondorioz Gaztesarea gazte mugimenduan dagoen errealitatea da, sustraiak ongi errotuta dituen proiektua da.

Orain inoiz baino gehiago, bat egin eta sistemaren aurka borroka egiteko garaia da, bestelako Euskal Herri baten alde. Gure alternatibak eraikitzen jarraitzeko ordua da, mundu gris hau kolorez jantzi dezagun.

Era honetan Abuztuaren 8an Donostian manifestazioa egingo da gazte mugimenduaren aurkako eraso honi erantzuteko. Sistema eta Errepresioaren aurrean… Ekin dezagun batera!

Orrialde honetako sinatzaileak irakurketa horrekin bat egin eta Donostian burutuko den manifestazioan parte hartzeko deia luzatzen du.

atxikitzeko bidali:

Izena/Eragilea,herria eta ofizioa gazteahotsa@gmail.com helbidera

Gaur goizean ertzaintza Zumaiako Gaztetxean agertu eta hura desalojatzeari ekin dio. Desalojoa bitartean hainbat gazte Desalojorik ez lelodun pankartarekin kontzentratu dira eta poliziak hiru gazte identifikatu ditu. Zumaiako Gazte Asanbladak batzar informatiboa burutuko du 18.30tan eta manifestaldia antolatu du 19.30tan kofradiatik abiatuta. Info+ urola-kostakohitza.info

18.00

Zumaiako Gazte Mugimenduaren oharra:

Urtebete eskas igaro da Zumaiako gazteok gaztetxea okupatu genuenetik. Urtebete herriko erreferentzia aktibo garen gazteon ametsak lortze bidean usteltzen ari zen erkibe etxeari erabilera eman genionetik.

Erantzuna, ordea, betikoa izan da. Zakur amorratuen zaunka. Beste behin ere agerian geratu da inposaturiko sistema honen aurka hamaika modutan, arloz arlo, jendarte eredu berri baten alde mugitzen den gazteria etsaiaren jo puntuan dagoela.

Baina argi izan dezatela, desalojo, identifikazio eta oztopo guztien gainetik herriari bizia ematen jarraituko dugula.

Era berean, gaztetxe finkoa lortzeko antolatzen eta borrokatzen jarraituko dugula berresten dugu.

EMAN O HARTU, GAZTETXEA LORTU!!
Badakigu zein den bidea, ekin dezagun batera!

ZUGAk manifestazioa antolatu du gaztetxearen desalojoa salatzeko

Ertzainak gaztetxearen parean

15.30

Urola Kostako Hitza:

Goizean goiz hasi da Ertzaintza Zumaiako Gaztetxea husten. Udalak albistea jakin duenean gazte asanbladako kideekin harremanetan jarri da, eta hauek 09:30erako ertzainen aurrean jarri dira “Desalojorik ez” zioen pankartarekin. Gaztetxearen parean tentsio uneak egon dira goiz guztian zehar, eta oihu egiteagatik asanbladako kide bat identifikatu nahi izan dute. Lekukoek adierazi dutenez, pare bat ertzainek etxeruntz zihoan gazte bati jarraitu dute eta identifikatzeko eskatu, Garoa tabernaren parean. Liskarra sortu da. Azkenean, hiru gazte identifikatu ostean, alde egin dute ertzainek. Gaztetxeko sarrera guztiak adreiluz itxita gelditu dira, eta gazteek salatu dutenez, barruan gelditu da zuten ondare guztia.

18:30ean batzar infomatiboa egingo dute gazte asanbladakoek Amaia Plazan, eta 19:30ean Kofradia aurretik manifestazioa abiatuko dute. Argazki eta informazio gehiago biharko paperezko edizioan.

Ertzaintzak Zumaiako Gaztetxera desalojatu du

Urola Kostako Hitza:

Ertzaintza Zumaiako Gaztetxean sartu eta bertako gazteak eraikinetik joanarazteko agindua betetzen ari da. Goizeko 09:00ak aldera sartu dira eta une hauetan Gaztetxeko ateak adreiluz estaltzen ari dira. Kanpoan ertzainak daude eremua zaintzen. Errepidearen beste aldean, gazte talde batek pankarta bat atera du eta Gaztetxearen aldeko aldarriak egiten ari dira. Bien bitartean, uniformerik gabe hainbat ertzain bideoz grabatzen ari dira ingurua eta argazkiak ateratzen ari direnak identifikatzen. Zumaiako Gaztetxeak bere lehen urteurrena bete du duela hilabete eskas.

Zumaiako Gazte Mugimenduaren oharra:

Urtebete eskas igaro da Zumaiako gazteok gaztetxea okupatu genuenetik. Urtebete herriko erreferentzia aktibo garen gazteon ametsak lortze bidean usteltzen ari zen erkibe etxeari erabilera eman genionetik.

Erantzuna, ordea, betikoa izan da. Zakur amorratuen zaunka. Beste behin ere agerian geratu da inposaturiko sistema honen aurka hamaika modutan, arloz arlo, jendarte eredu berri baten alde mugitzen den gazteria etsaiaren jo puntuan dagoela.

Baina argi izan dezatela, desalojo, identifikazio eta oztopo guztien gainetik herriari bizia ematen jarraituko dugula.

Atzo burututako prentsaurreko masibo baten bitartez, Judimendiko Gazte Asanbladako gazteok, pasa den astean auzoko gaztetxearen desalojoaren inguruko hausnarketa eskaini dugu. Alde batetik, hilabete iraun duen okupazioaren eta horrekin amaitu duen desalojoaren balorazioa egin dugu, Ertzaintzaren jarrera oldarkorra eta bultzatutako kriminalizazioa salatuz.

Bestalde, martxan jarri den prozesu judiziala gelditzea eta kargu guztiak bertan behera uztea exijitzeko atxikimendu eta mobilizazio kanpaina hasiko dugu egun hauetan, gaztetxe berri baten beharra aldarrikatzeaz aparte.

Azkenik, desalojoarekin blokeatzen saiatu diren Judimendiko Gazte Jaiak (auzoko jaietako gazte planteamendua) ospatzen jarraituko direla aldarrikatu dute, eta horien aurkezpena egin dugu.

AGIRI OSOA IRAKURRI (euskaraz)

/

BIDEOA IKUSI (gaztelaniaz)

Egun on:

A) OKUPAZIO ETA DESALOJOAREN BALORAZIOA
Pasaden maiatzaren 2an, Judimendiko eta Gasteizko ehundaka gaztek, hitzetatik ekintzetara pasatzea erabaki genuen Judimendi Etorbidekoko 44.zenbakiko etxeari erabilera emanez, 20 urte baino gehiago hutsik zeraman etxeari hain zuzen. Urte bat baino gehiago generaman auzoko etxebizitza hutsen arazoaren inguruko lanketa etengabean: auzoan 214 etxebizitza hutsik eta inongo erabilerarik gabe jarraitzen duten bitartean, bertako milaka gaztek auzoa utzi eta kanpora alde egin behar izaten dute aukera hobeen bila.

Egoera honek ez zuen egungo gizartean dagoen etxebizitzaren arazoa bakarrik larriagotzen, baizik eta beste hainbat alderdi jorratzen zituen. Alde batetik etxebizitza, geure eskubidea izanda sistematikoki ukatua izaten zaigu Judimendiko gazteoi, eta era berean Euskal Herri osoko gazteriari (lantzen aritu garen gaia izan da hau ere). Bestetik nabaria da Judimendiko gazteriak duen txoko libre eta autogestionatu baten falta, non garatu zitezkeen geure bizitzeko, borrokatzeko, kultura ulertzeko eta aisialdia antolatzeko erak. Arazo honen aurrean, eta instituzioen jarrera ezekorra ikusirik alternatiba bat eskaintzerako orduan (euren esanetan, gizarte legal baten erregistroaren barruan egon beharko litzateke aukera oro, eta ondoren eurek baloratuko zuten zer egin. Argi dago horrek gure pintzipio sendo asanbleario eta independentisteekin apurtzen zuen.) okupazioaren bidea hartu genuen.

Gazteok Kale Gorrian, Gazteok Gaztetxea kanpainari grinaz ekin genion eta horren bitartez sozializazio prozesu bat hasi genuen , gazteontzako txoko libre baten aldarrikapenarekin. Propaganda eta informazioaz aparte tailer ezberdinak eta kalean bertan burututako ekintza ugari antolatu genituen, beharrezkoa genuen espazio duinaren gabezia salatuz. Kanpaina hori aurrera joan ahala , Gaztetxetzat har genitzakeen etxebizitzak lokalizatzen ibili ginen, eta azkenean, apirilaren azken egunertara, geure lokala zein izango zen erabaki genuen: Judimendi Etorbideko 44. zenbakia.

Etxera sartu bezain pronto, eta hutsik zeraman 20 urte horien lorratsak nabari zirelarik, etxea baldintza negargarritean aurkitzen zela egiaztatu ahal izan genuen. (Gainera jakin izan genuen aurretik okupatua izan zela). Sotoa drogazaleengatik okupatua izan zen , suntsituta eta zakarrez beteta zegoen, atzeko partea bezala nun orratzak aurkitu ahal izan genituen; bigarren pisua usotegi bat zen, gorotzak eta animalia hauen arraultzak ugariak ziren. Gainontzeko eraikinaren zatiak ez ziren onak ere (zuloak edonon, batez ere paretetan, apurtzear zeuden tabikeak, zikinkeria…).

Guzti horren gainetik, eta etxearen egitura oraindik sostenagarria zela egiaztatu ostean, lanari ekin genion ilusio handiz. Milaka gazte eta ez hain gazte, ume, auzokide… etxera gerturatzen ziren (askok laguntza ematen ere ausartu ziren), eskuzabaltasunez eta era desinteresatuan egiten ari ginen lana ikusteko; frogatu zuten halaber soilik aisialdi alternatiborako espazio bat lortu nahi genuela auzoko etxe huts bati bizitza emanez, zeinek hori egin ezean ez lukeen inongo erabilerarik edukiko.

Okupazioaren inguko milaka aurreiritzi deuseztatu ditugu, eta sendo erakutsi dugu nola ilusio eta borondate kolektiboz (ez partikuarrez) auzoa kolorez eta ametsez bete daitekeen , beste modu batean izan ezin duen bizitza eta erabilera hori emanez. Ukaezina da etxeak, bertan sartu ginenetik, hobera egin duela modu oso positiboan. Milaka gazteok Gaztetxe honetan jarri dugun borondate eta grina ezin da aipatzeke utzi. Gure intentzioa hasieratik espazio ireki eta plural bat eraikitzea izan da; horrexegaitik etxea bisitau nahi izan duenak edota antolatutako ekintzetan eta egindako jardueretan parte hartu nahi izan duen orok ateak zabalik eduki ditu. Gainera ume , gazte zein helduentzako ekintza asko eta asko antolatu dira hilabete eskas bateko partean: talerrak, jokuak, zinemaldi herrikoiak, dantza erakustaldiak, kontzertuak, bazkariak, txokolatadak… auzokideekin izan dugun erlazioa, salbuespenak salbuespen, ezin hobea izan da.

Baina hilabete honen 11ean, eta hasieran jabearekin hitzartutako akordioa gaindituz (egin zenean mantendu eta ondoren inolako azalpenik gabe apurtu egin dena) Ertzaintzak Gaztetxea desalojatu zuen jardunbide 2. Epaitegiaren aginduarekin, milaka gazteen ilusioak suntsituz eta biolentziaz euren jabetasun printzipioa gainjarriz: galdearazi egiten diogu orain geure buruari, ea jabetasun hitzak, etxe tapiatua esan nahi duen?

Okupazioa burutu eta aurrerantzeko ilusioa garatzen ari zenean errepresioa modu oso zuzenean jasan genuen. Poliziaren presentzia etengabea, paisanoz jantzitako tipoak argazkiak atertazen etxetik sartu irtenean zebilen jendeari. Are gehiago, egun baten eta aurreabisurik gabe ertzaintza etxean sartu zen, etxean zegoen guztia erregistratuz eta bertan zeudenak identifikatuz.

Desalojoaren egunean ertzaintzak egin zuen erridikulu absolutua kriminalizazio kanpaina erraldoi baten bitartez izkutatu nahi izan zuten. Ehundaka auzokideen begirada harrituen aurrean, goizeko 8:30etan ertzaintza etxean sartu zen, indarrez, oldarkor azalduz eta bertan aurkitzen ziren lau gazteak identifikatuz. Lau hauei usurpazio delitua leporatzen zaie, eta inputatuak izan dira. Etxetik at hiru gazte bidali zituzten, baina bestea ,adinez txikikoa zena, ertzaintzak atxiki egin zuen eta agente bati erasoa burutzeaz egotzia izan zen. (gezur huts eta ustela); biolentziaz eta indarrez atxilotua izan zen, mehatxatua izan zen eta agenteari erasoa eta desobedientzia delituak inputatu ostean askatua izan zen.

Etxearen zirrikitu orotan, balantzea berdintsua izan zen: identifikazio ugari, era arbitrarioan egindako irainak auzokideei, mehatxuak, jarraipen zentzugabekoak, 2 karga polizial, atxiloketa intentzio nabariak… guzti hau auzokideen begiradaren aurrean gertatu egin zen, hauek harriturik eta era batean tristeturik ezin zuten ulertu zergatik gertatzen ari zen hura, eta esaten ziguten ea zergaitik kaleratzen gintuzten hain ondo egiten ari gienen eta.

Hauxe da ekainaren 11ean gertatutakoaren balantzea: desalojo bortitza, etxe tapiatu bat, ehundaka identifikatu eta oraindik burutzeke dagoen apaiketa … Eta guzti hau zertatarko? ba salaketa oihu bat ixilarazteko, xede oso argia zeukana alegia: alternatiba bat eraiki egungo gizarteak eskaintzen duen filosofia berekoi eta indibidualistari aurre hartuz.

Desalojoaren egunean ertzaintzak egindako erridikulo eta neurrigabekeria ezkutatzeko, Barnealdeko Sailak (Departamento del Interior-ek) kriminalizazio kanpaina basati bat azaleratu egin zuen euren armarik onena diren komunikabide lokal eta nazionalen bidez. Gure lan, ilusio eta aldarrikapenen berri eman ez zuten komunikabide berdin horiek, ziren orain era sinesgaitzan kriminaliztazen hasi gintuztenak.

Helarazi egin zuten bertsio guztiz faltsua, dirudienez honako hau izan zen: etxe okupa baten desalojoan ertzantza batek bere burua beharturik ikusi zuen tiro egiteko, izan ere zenbait gazteengatik inguratuta ikusi omen zen; gainera gazte bat ertzain bat erasotzeagatik atxilotua izan zen. Gure bertsioa, egiazkoa guretzako, eta iritziz librea entzuten duenarentzako honako hau da: bortizkeriz eta indarkeriz egindako dasalojo baten ostean, ertzaintzak bere irudia zuritzeko eta gurea zikintzeko beharra ikusi zuen; horretarako zer hobeto medioen bitartez, beti kolaborazionistak, gezur zikinak plazaratzea baino, gizartean eta batez ere auzoan alarma soziala piztuz, gure errebindikazioak kriminaliztauz eta eurek egindako erridikulo absolutu eta lotsagabea eskutatuz.

Ez zen tirorik egon, ez zen adin txikiko gaztearen aldetik erasorik egon eta ertzaintza ez zen inoiz inguraturik aurkitu inundik inora; egin zituzten jarraipen eta kargetan, izan genuen arma bakarra geure ahotsa eta hankak izan ziren, atxilotutako kideari geure babesa emateko eta mehatxatzen gintuzten kargetatik korrika babesteko.

B) MOBILIZAZIO ETA ATXIKIMENDU BILKETA KANPAINA:
Ertzaintzak eta komunikabideek igorritako gezurren aurrean, neurri legalak hartzeaz hausnartzen hasi gara, gertaeren benetako bertsioa eskatuz. Era berean, hurrengo egunetan, gure auzoko jaiak aprobetxatuz, mobilizazio eta atxikimendu bilketa kanpaina bat martxan jarriko dugu.

Egindako balantze errepresiboa ikaragarria izan da: hamaika identifikatu, horietatik gutxienez lau inputazio graduan, bi polizia erregistro, etengabeko presentzia poliziala, hainbat karga, atxiloketa saiakerak, irainak eta mehatxuak eta azkenik desalojo irregularra: ez da aurretik notifikaziorik egon eta ez da erregistroaren lekuko izaten utzi. Hori dena gutxi balitz, kriminalizazio kanpaina lotsagarria jarri zuten abian, horrek argi erakusten du erakundeen ahultasuna gure zuzentasun errebindikazio eta hitzen aurrean.

Berealako epaiketari eranztunez, adierazpen sinple bat egin nahi dugu: okupazioa ez da ekintza kriminala, ez da lau katuren arteko gauza; talde proiektu eta lana da, auzo baten ilusioa eta borroka soziala. Hori dela eta, epaiketa gelditzea eta karguen ezabaketa eskatzen dugu erantzun kolektibo auzotar eta borrokalari baten bidez.

Era berean, azken hilabetean egindako lana onartu eta Judimendiko gazteriarentzako leku aske baten beharra adierazten duten atxikimenduak bilduko dira. Instituzioei borondate gorena eskatzen zaie kexa hau betetzeko, hala ez bada, eskale izatetik konkistatzera pasatuko gara eta talde borroka sozialaren bidez zapalduak zaizkigun eskubideak eskuratzera ekingo diogu.

Atxikimenduak lortzeko, Judimendiko Auzo Elkartearekin batera- okupazio eta desalojo egunean babesa eman diguna- kolektibo eta elkarte sozial ezberdinekin kontaktuan jarriko gara sinadura bilketa bati ekiteko. Jaietan mahaiak jarriko ditugu sinadura horiek biltzeko eta gure web gunearen bidez ere atxikimendua emateko aukera egongo da.

C) JUDIMENDIKO JAIEN PLANTEAMENDUA:
Jakingo duzuenez, aste honetan hilaren 19tik 23ra bitartean, urtero bezala Judimendiko jai herrikoiak ospatzen dira. Jai hauek ospetsuak dira haien antolamendu eta partehartze herrikoiagatik eta jai giro ezin hobea izaten da. Gainera oso garrantzitsua den elementua dute gure jaiek: Gazte eguna, non Jai Batzordeak, gazte mugimenduari ematen dion hitza eguna antolatzeko.

Aurten, aukera ezin hobea genuen: ez soilik ekainaren 20an ospatuko den Gazte Eguna, baizik eta Gaztetxearen agerrerarekin jaietako agenda oso bat prest geneukan Gaztetxean bertan burutzeko, Judimendiko Gazte Jaiak 09 deiturikoa. Hala ere, ertzainek burututako desalojoak ez du plangintza bertan behera utziko eta ekintzak berdin berdin eramango ditugu aurrera.

Ez dute lortuko gu ixilaraztea, aurten inoiz baino gehiago gure Gazte Jaiak presente egongo dira leku guztietan. Gaztetxean burutu behar ziren ekintza guztiak Gaztetxe aurrean egingo dira, kale erdian. Ondoren Gazte Jaietako plangintza azaltzen dugu:

OSTIRALA 19
TXOSNA GUNEAN
19.00 Etxebizitza eskubidearen inguruko pariodia
19.30 Jai hasierako brindisa
21.00 Trikipoteoa auzotik

GAZTETXEAN
21.30 Herri kirol mozkorrak
22:30 Garazi kantautorea

LARUNBATA 20 – GAZTE EGUNA
GAZTETXEAN
11:30 Judimendiko Gaztetxearen okupazioaren inguruko proiekzioa
12.00 Gazte olinpiadak
14.00 Bazkari herrikoia eta bertso-hop
17.00 Elektropoteoa auzotik
19.00 Elkartzenek antolatutako etxebizitza eskubidearen aldeko kontzentraziorako kalejira

TXOSNA GUNEAN
20.00 Musika maratoia (ETC, SORTUZ, RSV, DESMADRE, ZAPLASTAKO ETA EXPOLIO)

IGANDEA 21
GAZTETXEAN
17.00 Preso politikoen inguruko hitzaldia
19.00 Judimendiko presoen eskubideen aldeko kontzentrazioa

ASTELEHENA 22
GAZTETXEAN
17.00 Euskal gazte mugimenduaren inguruko bideo emanaldia eta hitzaldia

ASTEARTEA 23
GAZTETXEAN
18.00 Etxebizitza eskubidearen inguruko hitzaldia (elkartzen eta gazte asanblada)
22.30 JAIME (kantautorea)

Gazte Jaiei amaiera emateko, kanpaldi bat burutuko da desalojoaren gaitzezpenean, epaiketa etetearen eta karguak ezabatzearen alde eta Gaztetxe berri baten beharra errebindikatzeko asmoz.

DESALOJORIK EZ!
JUDIMENDIKO GAZTETXEA AURRERA!

.

DATA: ekainaren 17a, asteazkena

.

ORDUA: goizeko 10.00etan

PARTE HARTU!!

Judimendiko Gazte Asanbladaren izenean, pasa den asteko ostegunean (11n) auzoko Gaztetxeko desalojoaren harira, eta horrek -Ertzaintzak bota omen zuen tiro bat dela-eta, errealitatean gertatu ez zena- sortutako oihartzun mediatikoaren harira, bihar, ekainaren 17an, antolatu dugun prentsaurrekorako deialdia luzatzen dizuegu. Jorratuko diren gaiak honako hauek dira:

1) Okupazioaren eta hilabete honetako ibilbidearen balorazioa. Baita desalojoari eta bertan agertu ziren irregulartasunei buruz ere; azkenik, Ertzaintzak bultzatutako eta komunikabideek (batzuen aurkako neurri legalak hartzea pentsatu dugu) aurrera eramandako faltsukeri eta kriminalizazio-kanpaina bortitzari buruz hitz egingo da.

2) Martxan jarriko dugun mobilizazio eta atxikimendu kanpaina: hainbat gazteren aurka ireki den prozesuaren paralizazioa, leporatutako kargu guztien bertan behera uztea eta Judimendiko gazteentzako espazio aske eta autogestionatu baten beharra exijitzeko.

3) Judimendiko Jaietako planteamendua (ekainaren 19tik 23ra, hau da, asteburu honetan). Jai-planteamendu bat zegoen Gaztetxerako, baina desalojoaren ondorioz blokeatu digute; horren aurrean zer?

· Gasteizko auzokide baten eskutitza “Diario Noticias de Álava” egunkarian

· FORO POLICÍAn adierazitako hainbat astakeri: berria eta manipulazioa

· GARAn atzoko manifestazioaren albistea

KRIMINALIZAZIOARI STOP!

Hala ere, kazerolada hasi bezain pronto (arratsaldeko 18.20 inguru), egunean zehar erabilitako estrategia errepresibo eta kriminalizatzailea modu desproportzionatuan erabiltzea erabaki zuen Ertzaintzak: Errekatxiki kalea militarki okupatu zuten  (trafikoa bera ere minutu luze batzuetan zehar geldiaraziz) ertzain antidisturbioetaz betetako fula bat, 4 patrol,…

EMAITZA, berriz ere, guztiz desproportzionatua: 4 gazte identifikatu zituzten (hatzamarrez hautatuta), eta “baimenik gabeko manifestazioan” (pankartarik gabe eta espaloitik joan arren) parte hartzea leporatu zieten, “honen berri izango duzue” adierazi zutelarik. Gainera, egon zitekeen edozein “desorden publikorik” egotekotan, gazte horiek arduratuko zirela iragarri zuten. Hala ere, azkenean, modu azkarrean Polvorín-eko parketik amaitzea erabaki genuen, eguneko gertaeren berri eman zuen hitzordu batekin amaituz.

ERASOEI ERANTZUN: ekainaren 12an, arratsaldeko 19.00etan Leizaola Plazatik manifestazioa.

ASKI DA! ERREPRESIOA EZ DA BIDEA!

UTZI BAKEAN JUDIMENDIKO GAZTERIA!

DESALOJOEN GAINETIK, GAZTETXEA AURRERA!

Ez da tirorik egon eta Ertzaintza ez du bere burua inguraturik ikusi. Dena kriminalizazio-estrategia hutsa da: alarma soziala sortzeko, Judimendiko Gaztetxearen existentzia deskontestualizatzeko eta auzoko dozenaka gaztek jarritako itxaropena akatzeko saiakera.

Hilabete baino gehiagoko denboran –gaztetxea okupaturik iraun duen denbora-, dozenaka gazteon lan gogorrari esker okupazioaren inguruko hamaika aurreiritzi gainditzea lortu genuenean, kriminalizazioaren mamua bueltatu da, Ertzaintzak lokala desalojatu duen egunean bertan, gezurren eta komunikabideen kolaborazionismo arriskutsuaren bitartez.

Auzoan dauden 214 exte hutsetariko bati erabilera ematen hasi zitzaion egunetik, maiatzaren 2tik, alegia, Judimendiko Gaztetxean, auzoari eta etxeari, azken hau hutsik egon den 20 urte baino gehiagotan zehar, izan ez duten bizitza eta kolorea eman dizkien ehundaka jarduera burutu dira: tailerrak, kontzertuak, zinema herrikoia, hitzaldiak, jardunaldiak, musika eta dantza erakustaldiak,…

Azken hilabete honetan, behin ere gaztetxearen existentziaren ezta bertan Judimendiko hamaika gaztek (modu desinteresatuan eta auzoko gazteriak bizimodu eta aisialdi libre eta autogestionatua garatzeko espazio bat izan dezan helburu bakarrarekin) jarritako itxaropenen berririk eman ez duten bitartean, gaur ez dute euren webguneak (eta seguruenik biharko egunkariak) betetzeko dudarik izan, merkantzia bat balitz bezala manipulatutako informazioarekin izan bada ere.

Informazio hori, Ertzaintzaren prentsa-gabinetetik zuzenean lortuta eta inolako egiaztapenik gabe argitaratuta (El País, El Mundo, El Correo, Deia, EiTB –azken hauek, zuzenean, “Gasteizko Gaztetxea desalojatu dute”-la adierazi dute-…), lotsagabeko profesionaltasun falta izan da, errespetu falta bat izateaz aparte. Ertzaintzak eta “Herrizaingo Sailak” sustatutako kriminalizazioaren zerbitzura dago; bi hauek, gaur goizean Judimendiko Gaztetxearen inguruan egindako ridikuloa onartzeko intentziorik ez baitu: hamarnaka identifikatu, lau inputatu, mehatxuak, erasoak, kolpeak, atxiloketa bat, bi atxiloketa-saiakera,… eta sesioarekin amaitzeko, bi karga polizial.

Guzti hau, emanaldia ikusi duten hamaika auzokideen begirada harrituaren pean. Inork ez zuen ezer ulertzen eta askok galdetzen zuten: “Baina zergatik kaleratzen zaituzte, hain polita uzten ari zineten-eta?”, “Zertarako nahi dute 20 urte hutsik daraman hormatutako etxe bat?”… Atxiloketaren indarkeriaz larrituta ertzainengana hurbildu diren emakume batzuk bortizki iraindu dituzte.

Baina komunikabideek ez dute horretaz hitz egiten (eskertzekoa da, dena den, GARAren lana, ia bat-batean albistea jasotzeko argazkilaria bidali dute-eta). Errazagoa da inork entzun ez duen tiro bat asmatzea, kide bat animatzera hurbildu diren hogeita hamar lagunek legearen agente baketsuak inguratu dituztela esatea eta nagusien zapladatxoa eta etorkizuneko igoera bermatuko duen titular sentsazionalista bat jartzea.

Seguruenik agiri honek zuen kontzientziak minberatuko dituela, beraz, ez dugu uste argitaratua edo gutxienez kontuan hartua izango denik –behintzat, bisiten rekorda gainditzen ari den http://www.kalegorrian.tk/ -n jarriko dugu-. Hala ere, eskertzeko zerbait daukagu: mila esker zuen komunikabideak gure gaztetxeari buruzko berriekin betetzeagatik; gaur, mundu guztiak, auzoan eta auzotik at, honi buruz hitz egingo du, eta  badakigu azken hilabetean, eta batez ere gaurko egunean, argi geratu dela nork lan egiten duen gazteriarentzako askatasun espazio baten alde, eta nork ridikuloa egiten duen hori egiten duena kriminalizatzen. MILA ESKER gure borrokaren nahigabeko bozgorailu izateagatik.

Aldi berean, desalojoari erantzuteko deialdia zabaltzen dugu, bihar, ekainak 12, 19.00etan Leizaola Plazatik (Olaguibel eta Los Herran kaleen elkargurutzean) aterako den manifestaldian parte hartuz.

Judimendiko Gazte Asanblada, ekainaren 11n Judimendin

+ Oihartzuna eta elkarrizketa: ARGIA aldizkarian

No ha habido ningún tiro ni la Ertzaintza se ha visto acorralada. Todo se trata de una estrategia de criminalización dirigida a crear alarma social, descontextualizar la existencia de un Gaztetxe en Judimendi y a exterminar la ilusión que en éste habían depositado decenas de jóvenes del barrio.

Tras algo más de un mes –el tiempo que ha durado okupado el gaztetxe- de intenso trabajo en el que decenas de jóvenes del barrio de Judimendi hemos conseguido derribar infinidad de prejuicios construidos en torno a la okupación, el fantasma de la criminalización ha vuelto a asomarse a base de mentiras y del peligroso colaboracionismo de los medios de comunicación a su servicio, precisamente el día en el que la Ertzaintza ha desalojado el local.

Desde el 2 de mayo, día en que se comenzó a dar uso a una de las 214 viviendas vacías del barrio, en el Gaztetxe de Judimendi se han llevado adelante cientos de actividades que han dado al barrio en general, y a esta casa en particular, una vida y un color que desde luego no han existido en los últimos más de 20 años que esta casa llevaba vacía: talleres, conciertos, sesiones de cine popular, exhibiciones musicales y de baile, charlas,…

Sin haber mencionado en ningún momento durante este último mes la existencia de este gaztetxe ni las ilusiones que en él habíamos depositado decenas de jóvenes de Judimendi (de forma desinteresada y con la única intención de dotar a la juventud del barrio de un espacio en el que desarrollar una forma de vida y ocio libre y autogestionada), hoy no han dudado en llenar sus páginas webs (y probablemente sus páginas de mañana) con una información manipulada como si de una mercancía se tratase.

Esa información, obtenida directamente del gabinete de prensa de la Ertzaintza y que ni tan siquiera ha sido contrastada (El País, El Mundo, El Correo, Deia, EiTB –estos directamente afirman que “se ha desalojado el gaztetxe de Gasteiz”-…), es muestra de una vergonzosa falta de profesionalidad, además de una falta de respeto. Sirve única y exclusivamente a la criminalización promovida por la Ertzaintza y por el Departamento de Interior del Gobierno Vascongado, incapaces de reconocer el absoluto ridículo protagonizado en las inmediaciones del Gaztetxe de Judimendi durante la mañana de hoy: decenas de identificados, cuatro imputados, amenazas, agresiones, un arresto y dos intentos de arresto… y para rematar la sesión, dos cargas policiales.

Todo bajo la mirada atónita de los numerosos vecinos que han contemplado el espectáculo. Nadie entendía nada y muchos preguntaban: “¿Pero por qué os están echando, si lo estábais dejando muy bonito?”, “¿Para qué quieren una casa tapiada que lleva vacía veinte años?”… Algunas señoras que se han dirigido a los agentes asombradas por la violencia del arresto han sido insultadas violentamente.

Pero ningún medio de comunicación habla de esto (es de agradecer, eso sí, la labor de GARA, que al menos ha enviado a un fotógrafo a cubrir la noticia casi inmediatamente). Es más fácil inventarse un tiro que nadie en el barrio ha escuchado, decir que treinta jóvenes que han gritado en apoyo a su compañero habían acorralado a los pacíficos agentes de la ley y bordar un titular sensacionalista que garantice una palmadita en la espalda y quizás un futuro ascenso.

Probablemente este comunicado remuerda sus conciencias, por lo que no albergamos esperanza alguna en que sea publicado o siquiera tomado en cuenta –al menos estará presente en http://www.kalegorrian.tk, que está batiendo récord de visitas-. Sin embargo tenemos algo que agradecerles: gracias por llenar sus medios de mentiras acerca de nuestro gaztetxe; hoy todo el mundo en el barrio y fuera de él hablará del tema, y tenemos claro que durante el último mes, hoy en especial, ha quedado claro quién trabaja y seguirá trabajando por un espacio de libertad para la juventud, y quién hace el ridículo criminalizando a quien lo hace. GRACIAS por ser altavoz involuntario de nuestra lucha.

Animamos asimismo, a responder al desalojo acudiendo a la manifestación que saldrá mañana día 12 de junio a las 19.00, desde la Plaza Leizaola (en el cruce entre la calle Olaguibel y la calle Los Herrán).

Judimendiko Gazte Asanblada, en Judimendi a 11 de junio

+ Repercusión y entrevista en: ARGIA

15.30 ATXILOTUTAKO GAZTEA ASKE GERATU DA

Gaur goizean, zipaioek Judimendiko gaztetxea desalojatzen zuten bitartean, barruan zeuden 4 gazteak identifikatu dituzte; horiei “propietatearen usurpazioa” leporatzen omen diete, eta momentuz epaiketaren zai geratu dira. Horietako bat, adin txikikoa, identifikazioaren momentuan indarkeriaz atxilotu dute, Lakuako komisaldegira eraman dute; bertan, aurreko leporaketaz aparte, “agresión a la autoridad” eta “desobediencia” ere leporatu diotela iragarri diote. Hala ere, ordu honetan aske dago jadanik, eta tratua orokorrean zuzena izan dela jakin dugu.

Horretaz aparte, desalojora hurbildu diren dozenaka gazteen aurka gutxienez bi karga polizial egon dira, eta bi gazte atxilotzen saiatu dira: baten atzean joan dira eta beste bat atxilotzen saiatu dira herritarren presioari esker lortu gabe.

Etxea tapiatu dute (zertarako balio ote du etxe huts tapiatu bat? Horretarako kaleratu gaituzte?), eta desalojoa salatuz gaztetxe baten beharra eta bera lortzeko konpromezua berresteko, badakizkizue mobilizazioak.

11.30 KRONIKA

Gaur goizeko 8:30ak aldera zipaioak Judimendi Etorbideko 44. Zenbakian dagoen Judimendiko gaztetxea desalojatu dute. Zipaioek hitzik esan gabe atea zabaldu dute eta gaztetxean zeuden 4 gazteak identifikatu ditu, haietako bat adin txikikoa. Azken hau atxilotua izan da. Bitartean hainbat gazte inguruetara hurbiltzen hasi dira desalojoa salatzeko eta atxilotuari babesa emateko.

Zipaioak hauen aurka ere oldartu egin dira, hainbat korrikaldi eraginez. Gazte baten atzetik ere joan dira eta une honetan ez dakigu non dagoen. Barruan zeuden gauza batzuk atera ahal izan ditugu  baina gehienak barruan geratu dira, nahiz eta jabearen baimena izan.

Lehen momentuan jabearen baimena izan genuen bertan hilabetez egoteko, baina epea bete baino lehen salaketa jarri zuen eta beste 4 gazte identifikatuak izan ziren. Gaurko gertakaria horren ondorioa izan da.

Judimendiko gazteok gaztetxearen beharra berretsi nahi dugu eta dei egiten diegu Gasteizko gazte guztiei eta Judimendiko auzotarrei eraso hau salatu eta kalera irtetzeko.

Horretarako Gazte Asanbladak hainbat mobilizazio deitu ditu.

GAUR 18:00etan KAZEROLADA PEPE UBIS PLAZATIK ABIATUTA

BIHAR 19:00etan MANIFA LEIZAOLA PLAZATIK

DESALOJORIK EZ!

JUDIMENDIKO GAZTETXEA AURRERA!

]]> http://kalegorrian.wordpress.com/2009/06/11/judimendiko-gaztetxea-desalojatu-dute/feed/ 0 kalegorrian DESALOJORIK EZ desalojo